نظام إدارة العيادات
المرضى، المواعيد، السجل الطبي، الفواتير والأقساط، حصص الأطباء، المخزون، والتقارير — بمكان واحد.
- صلاحيات دقيقة: السكرتيرة ما تشوف السجل الطبي
- مصادقة ثنائية مفروضة من قاعدة البيانات
- سجل تدقيق لكل فتح لملف طبي
- طباعة وصفات ووصولات
أتمتة وبرمجيات · بغداد
أنظمة تشتغل وإنت نايم.
نبني الأتمتة والبرمجيات على طريقة شغلك الحالية: الحجوزات، الردود، المبيعات والتقارير — من أولها لآخرها.
المنتجات
أنظمة إدارة جاهزة
الأتمتة
بوتات وربط وتقارير
اللغة
عربي من الأساس
الذراع الأولى
أنظمة جاهزة
أنظمة نبنيها مرة وتشتغل عند أي جهة بنفس المجال. تدخل بحساب وتبدأ شغل — بلا تنصيب ولا سيرفر ولا صيانة عليك.
نظام مراكز التجميل
نفس الأساس، مفصّل على المراكز: الجلسات والباقات، متابعة النتائج، وحسابات الأخصائيات.
نظام المدارس الأهلية
الطلاب والصفوف، الحضور، الأقساط والمحاسبة، ودرجات ترتبط بتقارير ولي الأمر.
الذراع الثانية
أتمتة وذكاء اصطناعي
شغلك الحالي، بس بلا الجزء المتكرر. نربط أدواتك ببعض ونخلّي الروتين يمشي لحاله — ونحطّ الذكاء الاصطناعي بالمكان اللي يستاهل، مو بكل مكان.
بوتات واتساب
بوت يرد على الزبون، يجاوب أسئلته، يحجز موعد، ويحوّل للموظف لما يحتاج إنسان. يشتغل 24 ساعة وما ينسى رسالة.
ربط الأنظمة
بياناتك موزّعة بين إكسل وواتساب وإنستا وبرنامج الحسابات. نربطهن حتى المعلومة تنكتب مرة وحدة وتوصل لكل مكان.
تقارير تجيك لحالها
بدل ما تدور على الأرقام، الأرقام تجيك: تقرير أسبوعي بالواتساب أو الإيميل، وتنبيه فوري لما يصير شي يستاهل انتباهك.
حلول ذكاء اصطناعي
فرز الطلبات، تلخيص المحادثات، استخراج البيانات من الصور والفواتير، ومساعد داخلي يعرف ملفاتك ويجاوب عليها.
الطريقة
كيف نشتغل
بلا عقود طويلة ولا وعود كبيرة. ثلاث خطوات واضحة.
-
01
نفهم شغلك
جلسة وحدة نشوف بيها شلون تشتغل اليوم، ووين الوقت يضيع. نطلع بقائمة واضحة شنو يستاهل أتمتة وشنو لا.
-
02
نبني ونوريك
نبني أول نسخة شغّالة بأسرع وقت وتجرّبها بنفسك. تعدّل معنا قبل ما نكمل، مو بعد ما نخلص.
-
03
نشغّل ونضل وراه
ندرّب فريقك، ونراقب النظام بعد التشغيل. أي خلل نشوفه إحنا قبل ما توصلك شكوى.
الفرق
ليش دونتك
عربي من الأساس، مو مترجم
الواجهة مبنية من اليمين لليسار من أول سطر، والبحث يفهم الاسم العربي حتى لو انكتب بصيغة ثانية. مو نظام أجنبي مترجم ترجمة.
الحماية بقاعدة البيانات، مو بالواجهة
إخفاء الزر مو حماية. عندنا كل صلاحية مفروضة بقاعدة البيانات نفسها — حتى لو أحد ناداها مباشرة، ترفض.
الأرقام تنحسب، ما تنكتب
إجمالي الفاتورة والمدفوع وحصة الطبيب ورصيد المخزون كلها تنحسب بقاعدة البيانات من مصدرها. ما تنحرف ولو اشتغل عشرة بنفس اللحظة.
نقلك شنو ما نكدر نسويه
إذا الشي ما يستاهل كلفته، أو الأتمتة راح تعقّد أكثر ما تريّح، نقلك من البداية. الصراحة أرخص من مشروع فاشل.
خلّينا نحجي
قلنا شنو تشتغل وشنو الجزء اللي ياكل وقتك — ونرجعلك برأي صريح، حتى لو الجواب إنك ما تحتاجنا.